Blogger Tips and TricksLatest Tips And TricksBlogger Tricks

Monday, 14 September 2020

ఓ దీపం

 

ఓ దీపం


చందమామ కనులు మూసుకున్నాడా

అందుకేనేమో

వెన్నెలమ్మ నల్ల ముసుగేసింది...

ఆకాశం గుండెలు

పగిలేలా

రోదిస్తోందా

అందుకేనేమో

వాన ఆగకుండా కురుస్తోంది...

ఎప్పుడూ నవ్వుతున్నట్టు

పులకించే

మా ఇంట మామిడి

ముభావమైపోయిందా

అందుకేనేమో

తుది వీడ్కోలుకై

కన్నీరు పెడుతోంది...

నా అక్షరాలకు జీవం పోతోందా

అందుకేనేమో

మనసు భావాలను

రాయలేక పోతున్నాయి...

కన్నీటిని మరిచిన నా కళ్ళు

వెన్నెలను మరిపిస్తున్నాయా

అందుకేనేమో

ఎక్కడో ఒక దీపం

రెపరెపలాడుతోంది...

No comments:

Post a comment