ఖైదీనే నేను

 

ఖైదీనే నేను

శిలా ప్రతిమను కానుగా

రక్తమాంసాలున్న మనిషినే

గాయమైతే వేదనే పలకరిస్తుంది...

రాతిబండ హృదయం కాదుగా

అది మెత్తని పుష్పమే

మెదడుకు సంకేతాలు పంపిస్తూనే ఉంటుంది..

మట్టి బుర్ర కాదుగా

మెదడు పనిచేస్తూనే ఉంది

అందుకే నాలోనూ ఆలోచనలు చెలరేగుతూనే ఉంటాయి...

నేను దేవుడిని కాదుగా

మామూలు మనిషినే

అందుకే నా చుట్టూ ఆలోచనలు పరిభ్రమిస్తూనే ఉంటాయి...

ఎక్కువగా ఆలోచిస్తున్నా అంటే ఆలోచిస్తున్నా మరి

నేనిప్పుడు ఆలోచనాశాలలో ఖైదీని

మనస్వినీ...