పిచ్చోడే నయం

 

పిచ్చోడే నయం

దేవుడు నిజంగా ఉంటే

మరణించాక నన్ను

తన దర్బార్ లో నిలబెట్టి

ఏం కావాలో కోరుకో అంటూ వరం ప్రసాదిస్తే...

అప్పుడు నేను చిన్న దరఖాస్తు పెట్టుకుంటాను

నాకు మళ్ళీ మానవ జన్మ ఇస్తే

ఒక పిచ్చోడిలా పుట్టించు అని వేడుకుంటాను...

ఎందుకో తెలుసా

అప్పుడు లోకం చేసే గాయాలు నా మనసుకు తగలవు

అన్నింటికీ హాయిగా నవ్వుకోవచ్చు

చాటుగా కాకుండా

అందరిముందు గుండెలు పగిలేలా ఏడవవచ్చు

నాకోసం ఏడ్చేవారుండరు

ఎవరికోసమూ నేను ఏడ్చే అవసరమూ రాదు...

ఎందుకంటే ఈ లోకంలో

పిచ్చోడి జీవితమే ఎంతో నయం...