మాయల మరాఠీని కాదు నేను
రారాజుని కాదు నేను
మాయానగరిలో లేను నేను
మాయలు నాకు రావు
మాటల మరాఠీని కాదు నేను
అవసరం కోసం ఆపేక్షలు కలగవు నాకు
మాటల్లో మతలబులే లేవు నాకు
మనసు నగర విహారిని నేను
నిరంతర ప్రేమ పిపాసిని నేను
మనసు బాటలో గాయపడ్డ ఆవేదన నేను
క్షణం క్షణం తూట్లు పడుతున్నా
మౌనంగా మిగిలిన నిర్వేదం నేను
ఊసులన్నీ కరిగిపోయి
నిశబ్దంగా జారిపడి
ఘనీభవించిన కన్నీటి చుక్కను
నేను
మనసు బాటలో దిక్కు తోచక
పేజీలు చిరిగిపోయిన
మనసు పుస్తకం నేను
మనో సంద్రంలో మునిగిపోయిన
నావనే నేను
No comments:
Post a Comment