పూజకు పనికిరాని పువ్వులు కాదు
ప్రేమతో చూస్తే
ప్రేమగానే పలకరిస్తాయి
నా అక్షరాలు
చల్లని మనసుతో చూస్తే
వెన్నెల వానై కురుస్తాయి
నా అక్షరాలు
వేదన మనస్వివై తడిమి చూస్తే
కన్నీరు మున్నీరుగా విలపిస్తాయి
నా అక్షరాలు
ఆగ్రహమై ఎదుట నిలిస్తే
చితిమంటలై రగులుతాయి
నా అక్షరాలు
వక్రబుద్ధితో చూస్తే
అష్టావక్ర వలయాలుగా చుట్టుకుంటాయి
నా అక్షరాలు
దుష్ట మనసుతో ఎదురుపడితే
విప్లవ జ్వాలలుగా మండిపడతాయి
నా అక్షరాలు
పూజకు పనికిరాని పువ్వులు కాదు
నా అక్షరాలు
నా పార్థీవ దేహంపై
గుభాళించే పరిమళాలు
నా అక్షరాలు
మనస్వినీ
No comments:
Post a Comment