నీ సేవకుడినై
బలమైన ఉక్కుదిమ్మలను
రాక్షస యంత్రాలు కరకరా నమిలేస్తున్నట్లు
మెదడు నిండా రణగొణధ్వనులను మోస్తూ
జిగేల్ మనే విద్యుత్ వెలుగుల్లోనూ
కారుచీకట్లను కనురెప్పలకు పులుముకుంటూ
విప్పారిన మనసుపుష్పంలో
వాడిన రేకులను ఏరుకుంటూ
మంటలు రేపిన సుగంధ ద్రవ్యాలను తుడిచేసి
తడియారని జ్ఞాపకాలను
రక్తపు మరకలుగా దేహానికి అద్దుకుని
రాళ్ళు రప్పల రాదారికి భీతిల్లి
పూల తివాచీ పరిచే నీ సన్నిధికి వస్తున్నా
నీ కొలువుకు సేవకుడినై
No comments:
Post a Comment