స్రవిస్తున్న స్వప్నం
ఎక్కడో స్రవిస్తోంది ఒక స్వప్నం
కరుగుతున్న కన్నీటి సవ్వడిలా
ఎక్కడో వినిపిస్తోంది ఒక రాగం
వసంతం వీడిన కోయిలగానంలా
ఎక్కడో రాలిపడింది ఒక నక్షత్రం
శిథిలమైన శిఖరంలా
ఎక్కడో గర్జిస్తోంది ఒక స్వరం
స్మశానంలో తీతువు పిట్ట హెచ్చరికలా
ఎక్కడో వణుకుతోంది ఒక హృదయం
మృత్యువును గాంచిన దేహంలా
కటిక చీకటిలో నడుస్తూ ఉన్నా
జ్ఞాపకాలన్నీ మూటగట్టుకుని
విరామమెరుగని బాటసారిలా
No comments:
Post a Comment