రాళ్ళు కాదు అవి నాకు పువ్వులే
రాళ్ళు విసురుతూనే
ఉండు
అవి నన్ను
పువ్వులుగానే తాకుతూ ఉంటాయి
విధ్వంసమే నీ
విధానమైతే
ప్రేమతత్వమే నా
సిద్ధాంతం
నిత్యం పరిమళిస్తూనే
ఉంటాను
అసత్యశరములు సంధిస్తూనే
ఉండు
సత్యకవచము నన్ను కాపాడుతూనే
ఉంటుంది
అధర్మానికి నువ్వు
ఆలవాలమైతే
ధర్మం నావైపే నిలిచి ఉంది
నా మతాన్ని తూలనాడుతూ
ఉండు
మతాలన్నింటికీ నేను
తలవంచే ఉంటా
నీ మతములోనే నీకు దిక్కు లేకున్నా
అన్ని మతాలూ నాతో
అభిమానంగానే ఉన్నాయి
ఎక్కడికీ పారిపోలేదు
నేను
ఇక్కడే నిలిచి ఉన్నా
తుది శ్వాసదాకా శిఖరమై
నిలబడే ఉంటాను
No comments:
Post a Comment