Blogger Tips and TricksLatest Tips And TricksBlogger Tricks

Friday, 3 November 2017

నిన్నే ప్రేమిస్తా

నిన్నే ప్రేమిస్తా 


అవసరార్ధ ప్రేమబాటలో నేస్తమై నడుస్తున్నావు
రాబంధువుల లోకంలో రక్షణకవచమై నిలుస్తున్నావు
నడకలు తడబడితే నడతలు నేర్పుతూ అడుగుజాడలు విడుస్తున్నావు
దారులన్నీ మూసుకుపోతే మార్గదర్శివై దిశను చూపుతున్నావు
కటికచీకటి కమ్ముకుంటే కాగాడాలా వెలుగునిస్తున్నావు
ఎవరు మార్గాలను మార్చుకున్నా నువ్వు మాత్రం నీడలా అనుసరిస్తున్నావు
మోసం దగాల మాయానగరిలో నా వేలుపట్టి నడిపిస్తున్నావు
శ్వాస ఆగిపోయే తరుణంలో గుండెకు కొత్త ఊపిరులు పోస్తున్నావు
ముభావమైన మనసులో కొత్త భావాలు పూయిస్తున్నావు
నవ్వులు మరిచిన పెదాలకు కొత్త నవ్వులు నేర్పుతున్నావు
నన్ను నీలో కలుపుకుని నాలోనే నువ్వు దర్శనమిస్తున్నావు
అందుకే నిత్యం నేను నిన్నే ప్రేమిస్తున్నాను
నీ బాటలోనే నడుస్తున్నాను
నా దేహంలో జీవం ఉన్నంతవరకు
ఓ అంతరాత్మా నేను నిన్నే ప్రేమిస్తూ ఉంటాను

2 comments: