Blogger Tips and TricksLatest Tips And TricksBlogger Tricks

Pages

Tuesday 27 July 2021

తడిచిన పుస్తకం

 

తడిచిన పుస్తకం

ఒక్కో పేజీని తిరగేసి చూసావని తెలుసు

ప్రతి పేజీని నీ వేళ్ళతో తడిమినప్పుడు నా గుండెను

మీటినట్టు అనిపించటం

నాకు తెలుసు...

చూసుకో జాగ్రత్తగా

ఆ వేళ్ళకు ఏదో వెచ్చని తడి తగిలినట్టుంది

అది నా కన్నీరని నాకు తెలుసు...

నా హృదయాంతరాల

సునామీలో ఉబికిన ఆ కన్నీరు తడియారే లోపలే

నా శ్వాస ఆగిపోతుందనీ తెలుసు...

నా అక్షరాల విలువ తెలియని నువ్వు

నా మనసు పుస్తకాన్ని చూస్తూ

నీకు తోచిన భాష్యాలనే

జీవితాంతం శోధిస్తూ ఉంటావనీ తెలుసు...

No comments:

Post a Comment