కనబడలేదా మరో ప్రపంచం

కనబడలేదా మరో ప్రపంచం

మరో ప్రపంచం

మరో ప్రపంచం

మరో ప్రపంచం

ఎక్కడుంది ఈ మరో ప్రపంచమంటూ

సోషల్ మీడియాలో గబ్బు కామెంట్లు పెడుతున్న

పిచ్చి నాయాళ్ళారా

కనపడలేదా మీకు

మరో ప్రపంచం దూతలు...

పాలకుల దమనకాండలో

బడా కంపెనీల వికృత క్రీడలో తాను మరణిస్తూ

నీకోసం సేద్యం చేస్తున్న

రైతన్నలో చూడు

మరో ప్రపంంచం కనిపిస్తుంది...

బ్రెడ్డు ముక్కపై తీయని తేనె రాసుకుంటూ

సుతారంగా పెదాలతో కొరుక్కుతినే ఓ వగలాడీ

ఆ మకరందం కోసం

రక్తం చిందిస్తున్న ఆదివాసీలను చూడు

మరో ప్రపంచం దూతలు కనిపిస్తారు...

నీ ఇంటికి ఇటుకలు మోసే కూలీలు

నీ పాయిఖానా శుభ్రం చేసే బడుగు జీవులు

నీ చెత్తను ఊడ్చేసి నీ వీధులను అద్దంలా మార్చేసే సఫాయి అన్నలు

నీ కార్ టైర్ కు పంక్చర్ రిపేర్ చేసే రోడ్డు సైడు జీవులు

నీ నల్లాలు కుళాయిలు

బొంగూ బోషాణాలు క్లీన్ చేసే ప్లంబర్లు

నీ బొందకు గోతులు తీసే

మట్టి మనుషులు

వీరంతా

మరో ప్రపంచం దూతలే...

అసంఘటిత మరో ప్రపంచం సంఘటితమైన నాడు

మీ ప్రపంచం కుప్ప కూలడం

ఖాయం...