Blogger Tips and TricksLatest Tips And TricksBlogger Tricks

Pages

Tuesday 17 October 2017

రగులుతూనే ఉండనీ

రగులుతూనే ఉండనీ 

తడియారని కన్నులలో
కళ్ళు పెట్టి చూడకు
కరుగుతున్న కలలవరదలో
నువ్వూ కొట్టుకుపోతావు
చితిమంటల చిటపటరాగం
వినిపించే మనసుపై పన్నీరు చల్లకు
పొగలు కక్కే నివురులో
మేఘమై కరిగిపోతావు
బీటలు వారిన పుడమిలాంటి
హృదయసీమలో వలపు మొక్కలు నాటకు
పచ్చదనాల నీ వసంతం వాడిపోతుంది
విరిసే నా పెదాలపై
ప్రణయకెంపులు వెతకకు
తెలియని చీకటి కథలకు
అవి ముఖద్వారాలని తెలుసుకుంటావు
కానరాని అగ్నిపర్వతమే నేను
నన్ను నాలోనే రగిలిపోనీ 

No comments:

Post a Comment