అంతిమఘడియ
ప్రతి దినం
ప్రతి ఘడియ
ప్రతి క్షణం
అంతిమమే
ఏ ఘడియ
ఏ మలుపు తిరుగునో
ఆదియన్నది అంతిమమేనేమో
అంతిమ ఘడియలోనూ
అంతిమ క్షణంలోనూ
జీవించాలన్నదే మనసు తపన
ఆదిలో కానరాని జీవితాన్ని
అంతిమంలో పొందాలని
మనసు ఆరాటం
సుడిగుండాలు నోరు తెరిచి
మింగేయాలని చూస్తున్నా
పూలబాటలో
ముళ్ళ తివాచీలు స్వాగతం పలుకుతున్నా
బతుకుబాటలో
నిష్క్రియాపర్వమే
తోరణాలు కట్టినా
మనసు ముందుకే సాగుతోంది
చివరి ఘడియలోనూ
నీతో జీవించాలనే
ఇంకా
శ్వాసలో ఊపిరినే నింపుకుంటున్నా
మనస్వినీ
No comments:
Post a Comment