Blogger Tips and TricksLatest Tips And TricksBlogger Tricks

Pages

Wednesday 2 March 2016

రేపటికోసం మరణించను

రేపటికోసం మరణించను
 
రేపన్నది ఎవరికీ తెలియదు
రేపటి రూపం ఊహించజాలము
చిరునవ్వులు విరబూస్తాయో
విరిసిన పువ్వులు వాడిపోతాయో
కాలానికే తెలియదు
ఎలా ఉంటుందో తెలియని రేపటికోసం
నేడు మరణించను
రేపటికోసం ఎదురు చూడక
నేడు జీవించటమే నా లక్ష్యం
నిన్నటి మరకలను
నేటి కాగితంపై రుద్దుకోను
నేడు అనే తెల్లని కాగితంపై
నడుస్తున్న కాలాన్నే పువ్వులుగా రాసుకుంటా
నిన్నటి ఘడియలను గతానికి అప్పజెప్పి
నేటి క్షణాల్లోనే ప్రాణవాయువు నింపుకుంటా
అవును
ఇదే నా జీవనం
రేపటి కాలం కోసం ఎదురుచూడక
నిన్నటి గతంకోసం విలపించక
నేటిలోనే అడుగుజాడలు వెతుక్కుంటా
ఎన్ని ఘడియలు జీవించానన్నది కాదు
ఎంత ఆనందంగా జీవించానన్నదే నాకు ముఖ్యం
మనస్వినీ

No comments:

Post a Comment