Blogger Tips and TricksLatest Tips And TricksBlogger Tricks

Saturday, 26 March 2016

వందనం అభివందనం

వందనం అభివందనం

నా అక్షరాన్ని
ఒక పువ్వుగా మలుచుకుని
ముద్దాడిన నీకు వందనం
నా భావాన్ని ఒక ముల్లుగా అనుకుని
బాధపడిన నీకూ ఒక వందనం
నా కవితను మనసుతో చూసి
ఒక్క చుక్క రాల్చిన మనసుకు అభివందనం
నా అక్షరాలను మనసు పుష్పాలుగా గుర్తించిన
మనసుకో వందనం
నా మనసు రొదలను చూసి లాలించిన
మంచిమనసుకూ వందనం
నవ్వుకున్న వారికీ
గేలి చేసినవారికీ
బాధపడిన వారికీ
ఒదార్పునిచ్చిన వారికీ
నా ఐదు వందల కవితలను ఆదరించిన అందరికీ
నా భావనకు మూలమై
నా కవితకు ఆలవాలమై
నా జవమూ జీవమై
అక్షరమాలికకు ప్రాణమై నిలిచిన
మనస్వినికి శతకోటి వందనం

No comments:

Post a Comment