మనసు విజయం

మనసు విజయం 

ఎవరితో ఈ సమరం

ఎవరితో ఈ రణం

కనిపించే శతృవుతోనా

కానరాని శతృవుతోనా

ఉన్నారో లేరో తెలియని దుష్టులతోనా

ఉండీ లేనట్టి వైరులతోనా

ఎవరితో సమరం

ఎందుకు ఈ యుద్ధం

ఎవరిపై నా కరవాలం

ఎవరిపై నా పోరాటం

నాపైనే నా సమరమా

నాలోని శతృవుతోనే యుద్ధమా

నాపై నేనే గెలుస్తున్నానా

నన్ను నేనే ఓడిస్తానా

గెలుస్తున్నానో లేదో తెలియదు

ఓడిపోతున్నానేమో అర్థమే కాదు

అయినా ఎందుకు గెలుపు తీరాల ఆరాటం

ఎందుకు మదిలో నైరాశ్యం  

ఏది గెలుపో

ఏది ఓటమో తెలియనే తెలియదు

ఎక్కడో శూన్యం నుంచి జనియించిన

పరాజయ సంకేతం గుండెను తాకుతోంది

మనసు విజయానికి సంకేతమై

మనస్వినీ