Blogger Tips and TricksLatest Tips And TricksBlogger Tricks

Pages

Friday 5 June 2015

చితిమంటల్లో మనసు

చితిమంటల్లో మనసు


మనసులోని భావాలు పెనవేసుకుంటున్నాయి
అంతరంగంలోని అంతరాలు ఘర్షించుకుంటున్నాయి
పెదాలు దాటని మాటలు మనసులోకి జారుకుంటున్నాయి
పలకరించాలన్న ఆరాటం బండబారిపోతోంది
సంఘర్షించిన బాసలు బాధలుగా మిగిలిపోతున్నాయి
భావాల రాపిడిలో అగ్ని కణికలు పుడుతున్నాయి
ఎగసిపడిన నిప్పురవ్వలు మనసుకోటను దహిస్తున్నాయి
మనోసీమలో అగ్గిమంటలు కనుమలను కాల్చేస్తున్నాయి
చితికిన మనసు ఆశలు చితిమంటలను తలపిస్తున్నాయి
రగిలిన మనసు భావాలు పొగమేఘాలై
కన్నీటిని కురిపిస్తున్నాయి
మనసులో రగిలే వేదనలు
సంఘర్షించే భావాలు
పెదాలు దాటి రానప్పుడు
మిగిలేది కన్నీరే కదా
గుండె రగిలి
కనుల మేఘం కరిగి
కురిసే కన్నీటి చుక్కల్లో
నేను మరలా నా భావాలనే వెతుక్కుంటున్నా
కరిగిపోతున్న భావాలను దోసిటపట్టి
నా గుండెలోనే నింపుకుంటున్నా
నా జ్ఞాపకాలతో పెనవేసుకున్న నా భావాలు
నా మనసును వీడి పోవటం
నేనెలా భరిస్తాను
మనస్వినీ

1 comment: