అనుబంధం...

అనుబంధం...
ఎదో చల్లగా చల్ల చల్లగా...
చల్లదనమో ....వెచ్చదనమో...
ఎదో తెలియని అనుభూతి...
అది స్పర్శేనా .....ఏమిటది...
ఎదో తెలియని  అనుభవం...
కనుకొనలు ఒకింత పైకెత్తి చూస్తే...
కొంటె చూపులు  కవ్విస్తూ నవ్విస్తూ...
అవును ప్రియసఖుడు ఆర్తిగా కొంటెగా ...
తనవైపే చూస్తున్నాడు..
ఆ చూపుల నుండి కురుస్తున్న  వెన్నెల...
ప్రియ సఖి కలువ బాల తనువును..   
ఆర్తిగా తడుముతోంది..
పగలంతా  ముడుచుకున్న ...
ఆ కలువ పూబాల ఆణువణువూ....
గిలిగింతలతో ...పులకింతలతో...
విచ్చుకుంది..ఒళ్లంతా విరబూసుకుంది...
అది నెలవంక  కలువ బాల తన్మయత్వమా...
అదో అందమైన అనుభవమా...
కాదు కాదు అది అనుభవమే కాదు...
మధురమైన అనుబంధం కూడా...
ఆ అనుభవంతో కూడిన .....
తీయని అనుబంధం మనది కాదా...
మనస్వినీ.....