Blogger Tips and TricksLatest Tips And TricksBlogger Tricks

Pages

Saturday 30 May 2015

పులి సాదు జంతువే

పులి సాదు జంతువే

మాంసం లేనిదే పొట్ట నిండని పులి సాదు జంతువే
అడవిలోనున్న పులి పిల్లను పెంచుకుని చూడు
గడ్డి పరకలు తింటూ పిల్లిలా నీ వెంట తిరుగుతుంది
తల నిండా విషమున్న కాలనాగులోనూ విషయముంది
తన విషంలోనే విరుగుడు దాచి నీకు ప్రాణం పోస్తుంది
ఆలోచనే లేని పులి భయంతోనే దాడి చేస్తుంది
కాలనాగునైనా కదిలిస్తేనే బుస కొడుతుంది
క్రూరంగా కనిపించే పులులూ సింహాలు
పంజా విసిరినా అది ప్రకృతి ధర్మం
కోడె నాగు పడగ విప్పినా
అది దాని అణువణువునా నిండి ఉన్న భయం
మరి మనిషి
ఆధునిక కాల చక్రానికి దర్పణం
సంఘజీవనానికి నిదర్శనం
మనిషికి మెదడు నిండా ఆలోచనలున్నా
మంచీ చెడూ జ్ఞానమున్నా
మనసు నిండా విషమే
పాము భయంతో కాటు వేస్తే
మనషి స్వార్ధంతో కాటు వేస్తున్నాడు
కప్పను మింగిన పాము కడుపు నిండిందని నిదురిస్తే
అన్నీ ఉన్నా ఇంకా కావాలని మనిషి కాటు వేస్తున్నాడు
ప్రేమలో విషం
కురిసే మమతల వర్షంలో విషం
ఆలుమగల అనురాగంలో విషం
అన్నదమ్ముల అనుబంధంలో విషం
స్నేహమనే ముసుగు విషం
ఆదుకుంటామని ముందుకు వచ్చే మనిషిలో విషం
నడకలో విషం
నడతలో విషం
మూగజీవులు ఇతర జాతులపై దాడి చేస్తే
ఆధునిక మనిషి ఆది మానవుడై
సొంత జాతిపైనే చిమ్ముతున్నాడు విషం
మరి ఎవరు క్రూర జంతువు
ఆ మూగ జీవాలా
అన్నీ ఉన్నా
ఆశ చావని మనిషా
నిజమే కదూ
పాము మనకు మంచి నేస్తమే
పులి సాదు జంతువే

No comments:

Post a Comment