Blogger Tips and TricksLatest Tips And TricksBlogger Tricks

Pages

Saturday 13 February 2016

శ్రీమంతులు

శ్రీమంతులు


ఒక చల్లని చూపు
ఒక తీయని పలుకు
ఒక మనసైన ఓదార్పు
ఒక అర్థవంతమైన నమ్మకం
ఒక నులి వెచ్చని స్పర్శ
ఒక ఆశ
ఒక ఆకాంక్ష
మండుతున్న జీవన కొలిమిలో
ఆ చల్లని చూపే మంచు ముత్యం
ఆ తీయని పలుకే జీవనాధారం
మనసైన ఓదార్పే కలిగించు ధైర్యం
ఆ నమ్మకమే ముందుకు నడిపే మార్గం
ఆశ నుంచి జనియించే ఆకాంక్ష
అనురాగానికి ఇచ్చును రక్ష
చూపుల వెన్నెల కురవకపోతే
తేనియ పెదాలు రసాలు చిలికించకపోతే
అనుమానంలో మునిగిన ఆవేశం
ఓదార్పును మింగివేస్తే
సిరి సంపదలు గుట్టలుగా ఉన్నా
భోగ భాగ్యాలు తోరణాలు కట్టినా
ఆ జీవనం ముళ్ళ కిరీటమే కాదా
అనుబంధమే వికసిస్తే
నిరుపేద కూడా
శ్రీమంతుడే కాదా

No comments:

Post a Comment