Blogger Tips and TricksLatest Tips And TricksBlogger Tricks

Pages

Sunday 7 February 2016

నేర్వలేని పాఠం



నేర్వలేని పాఠం
 
నీలాల నింగిలో
హాయిగా పయనించే విహంగానికి
రెక్కలు ఇచ్చావు
ఎగరటం నేర్పావు
ప్రమాదాన్ని తప్పించే
తుంటరితనం నేర్పావు
నీటిలో విహరించే మీనానికి
ఈత నేర్పావు
శ్వాసకోసం మొప్పలు ఇచ్చావు
తిమింగలానికి చిక్కని నేర్పునూ ఇచ్చావు
అందరికీ అన్నీ ఇచ్చావు
శత్రువులను ఇచ్చావు
మిత్రులనూ ఇచ్చావు
నాకూ జీవితం ఇచ్చావు
కుట్రలు చేసే మనుషులను ఇచ్చావు
ఆవేశంలో రగిలే మనసులనూ ఇచ్చావు
ఎక్కడో కూర్చుని
జీవితాన్ని శాసించే దగుల్బాజీలనూ ఇచ్చావు
దేవుడా మరి నాకు
జీవించటం ఎందుకు నేర్పలేకపోయావు
జీవితం నేర్పని దేవుడు
ఈ జీవితాన్ని
తిరిగి తీసుకుంటే
ఎంత బావుండేది
ఈ జీవితం నాకు
నేర్వలేని పాఠమే
మనస్వినీ

No comments:

Post a Comment