లేపనం కాని మనసు

లేపనం కాని మనసు

సిగలో పువ్వులా నవ్వాలని అనుకున్నా

కాలిలో ముల్లులా గుచ్చుకున్నా

తగిలిన గాయానికి లేపనం కావాలనుకున్నా

మరో గాయానికి మార్గమై నిలిచున్నా

జారిపడిన కన్నీటిని దోసిటపట్టాలని అనుకున్నా

ఆ కంటిలో నలుసులా మిగిలియున్నా

ఆ పెదాలపై చిరునవ్వునై చిందించాలనుకున్నా

ఆ తేనియ పలుకుల్లో గరళమై మిగిలియున్నా

నా భావం

నా అంతరంగం

నా ఆలోచన

నా వేదన

నా రోదన

అన్నీ నా మనసుకే తెలుసు

మనసు వెతలను తెలుసుకోలేని మనసు ఎదుట

శూన్యమై కరిగిపోతున్నా