దేవుడినీ చంపేస్తారా

దేవుడినీ చంపేస్తారా 

తెలుసా మీకు ఇస్లాం

చదివారా ఎప్పుడైనా ఖురాన్

తెలుసుకున్నారా దాని పరమార్థం

ఎవరిపైన మీ పోరాటం

ఎవరిపైన మీ ఆగ్రహం

ఇస్లాం పరిరక్షకులేనా మీరు

ఏది పవిత్ర యుద్ధం

ఏది ధర్మ పోరాటం

ఎక్కడ రాసి ఉంది జిహాద్ చేయమని

ఎవరు చెప్పారు ప్రాణాలు తీయమని

ప్రపంచ పెత్తందారి అమెరికా తొత్తులు మీరు

ఐసిస్ పేరుతో మారణహోమం చేసే రాక్షసులు మీరు

దమ్ముంటే అమెరికాతో నేరుగా పోరాడండి 

మీ శత్రువు ఎవడో వాడితో తలపడండి

ఎందుకు అమాయకులను చంపుతారు

ఇదేనా ధర్మయుద్ధం

మీరు చంపేది

రోజూ చచ్చేదీ

ఎవరో తెలియదా మీకు

బాగ్దాద్ గుండెల్లో మండుతున్న శవాలు ఎవరివి

సిరియా నరమేధంలో తెగిపడుతున్న తలలు ఎవరివి

ఇస్లాం పవిత్ర క్షేత్రం మదీనాలో బాంబులు వేసిన మీరు

ముస్లింలు ఎలా అవుతారు

ఎంతమందిని చంపుకుంటూ పోతారు

చివరకు దేవుడినీ చంపేస్తారా