Blogger Tips and TricksLatest Tips And TricksBlogger Tricks

Monday, 25 July 2016

ఫిరంగీ గడియారం

ఫిరంగీ గడియారం
 పరుగులు తీసే కాలం
మానని గాయాలకు లేపనం
ఎవరో చెప్పగా విన్నాను
ఏదీ ఆ కాలం రానే రాదేమీ...
పలకరించే నవ్య క్షణం
గడిచిన క్షణం వేదనను తీర్చునని అంటారు
ఏదీ ఆ క్షణం పలకరించదేమీ...
మానని గాయం మంటలు ఆరకముందే
కొత్త కాలమేదో ముల్లులా దిగబడితే
గడిచిన క్షణం ఆనవాళ్ళు మరవకముందే
మరో క్షణం శరములా గాయం చేస్తే
ఏ సమయం ఉపశమనం...
గడిచిన ఘడియల ఘాతములు
తడి ఆరకముందే
కరిగిన క్షణాల జ్ఞాపకాలు
మదిలో చెరగక ముందే
కొత్త ఘడియలు వేదనల పల్లకీలు మోస్తే
గడియారం చేసే శబ్దం
గుండెల్లో ఫిరంగీలు మోగించదా
మనస్వినీ...

No comments:

Post a Comment