మరణం అంచున ఆశలు

మరణం అంచున ఆశలు

మరలా వికసించాలని ఉంది

గాయపడిన మనసుకు

మమతల లేపనం అద్దాలని ఉంది

వాడిన పెదాలపై

చిరునవ్వునై

మెరవాలని ఉంది

ఆ కన్నులలో వెన్నెలనై

కురవాలని ఉంది

ఆ గాజుల గలగలలో

సవ్వడినై

చిందేయాలనీ ఉంది

ఆ అందియల లాస్యంలో

మువ్వనై మోగాలని ఉంది

మరలా వికసిస్తున్న

పెరటిలోని తులసిలో

మారాకునే కావాలని ఉంది

అందుకే

మరలా

వికసించాలని ఉంది

ఆ పాదాల కిందే

స్వర్గాన్ని వెతుక్కోవాలని ఉంది

నీ వికాసమే

నా వికాసం

నీ చిరునవ్వే నాకు జీవం

అబద్దం కాదు నా భావం

కహానీ కాదు నా కవిత్వం

మరణం అంచున చేరిన మనసు

చివరి అవకాశంగా

మరలా వికసించాలని

సమాయత్తమవుతోంది

మనస్వినీ