Blogger Tips and TricksLatest Tips And TricksBlogger Tricks

Pages

Sunday 23 August 2015

చకోరపక్షి

చకోరపక్షి

రాలిపోయే పువ్వులోని
మకరందంలా
ఆరిపోయే దీపంలోని
వెలుతురులా
ఆగిపోయే ఊపిరిలో
శ్వాసలా
మరలా తిరిగిరాని
వెన్నెలలా
నిశి రాతిరికి ముందు
వీడ్కోలు పలికే
నులివెచ్చని ఎండలా
కొన్ని అనుభవాలు
మరికొన్ని అనుభూతులు
ఏనాటికీ చెదిరిపోని
జ్ఞాపకాలుగా
మిగిలే ఉంటాయి
ప్రతి అనుభూతీ
అజరామరం
ప్రతి అనుభవం
ఒక తీయని శాసనం
అయితే
చివరి అనుభూతి
చివరి అనుభవం
గుండెలో నిలిచిపోతుంది
ఒక దీపంలా
మరలా దక్కని ఆ ఘడియ
ఇక తిరిగి రానే రాదని
తెలిసిన మనసు
ఆ అనుభవాల నీడలనే
కాగడాలుగా మలుచుకుని
ఆ జ్ఞాపకాల వెలుగులనే
బాటలో పరుచుకుని
ముందుకే సాగుతోంది
చంద్రుని కోసం
చకోర పక్షిలా
నెలవంక అందదని తెలిసినా
మనస్వినీ...

1 comment: