నా లాస్ట్ జర్నీ నీవే

నా లాస్ట్ జర్నీ నీవే

నీవు నాకు దూరమయ్యావా

నేను నీకు దూరమయ్యానా

నీకూ నాకూ మధ్య

ఉన్న దూరమెంత

ఉన్న దూరంలో నిజమెంత

నేను నీకు దూరమయ్యాను

అనుకున్న ప్రతిసారీ

నీకు ఇంకా చెరువే అయ్యాను

చుట్టుముట్టే నీ ఆలోచనలు

ఉక్కిరిబిక్కిరి చేసే నీ జ్ఞాపకాలు

నిన్నూ నాకు దగ్గరే చేస్తున్నాయి

భౌతిక దూరాలు ఎన్ని సార్లు వచ్చినా

ఎన్ని అగాధాలు పుట్టుకు వచ్చినా

ఆవేశాలు రగిలి అగ్ని వర్షం కురిసినా

మనసు దూరం తగ్గుతూనే ఉంది

నిజానికి ఇది దూరమా

అందరికీ కనిపించే ఎడబాటేనా

కనులముందు కనిపించే వారు

దగ్గరగా ఉన్నారనుకోవాలా

మనసులో లేని వారెక్కడున్నా ఏం లాభం

విభేదాల కొలిమిలో రగిలినా

అనుమానాల కుంపటిలో మాడిపోయినా

ఇరు తనువులు దూరమైనా

రెండు మనసుల ఆలోచనల గమ్యం

ఒకటే అయితే

దూరాలు మరింతగా దరి చేర్చవా

దూరమన్నది ఒక అబద్దం

చేరువైనదే పచ్చి నిజం

నీ ఆలోచనా తరంగాలు

ఎప్పుడూ నాకు నీడలాగే ఉంటాయి

నా ఊపిరిలో శ్వాసలా

నా కంటి పాప వెలుగులా

నా అడుగులకు జాడలా

నిత్యం నా వెంటే ఉంటావు

నేను నీకు దూరమెలా అయ్యాను

నా లాస్ట్ జర్నీ నీవే

మనస్వినీ