Blogger Tips and TricksLatest Tips And TricksBlogger Tricks

Pages

Thursday 26 May 2016

చివరి సలాం

చివరి సలాం
 
గుండ్రని బంతి కాదు నా మనసు
గోడకు కొడితే మరలా అక్కడికే చేరదు
బంతిలా దొరలదు నా మనసు
ఎటుపడితే అటుపారిపోదు
తెల్లకాగితం మీద నల్లసిరా
కాదు నా అక్షరం
గుండెగుడిలో ప్రభవించిన దీపం నా భావం
నా అక్షరం రంగు మారదు
నా భావం గతిని మార్చుకోదు
తొలిపొద్దు నిస్సారంగా గడిచి
సంధ్యవేళలో దయచేసిన ఆమనికి
ప్రణమిల్లింది మనసు
నడకమానిన మనసు
కొత్త అడుగులకు తివాచీ పరిచింది
అడుగులు ముందుకే పడతాయి
ఆ అడుగులు విడివడితే
ఆగిపోతుంది గమనం
నిలిచిపోతుంది పయనం
మారదు నాహృదయం
మార్చలేదు ఏ పవనం
అనుమతి అవసరం లేదు
ఆదేశం పనికిరాదు
మనసు దిశలోనే నడుస్తున్నా
మనసు చెప్పిందే వింటున్నా
ఒత్తిడి లేదు మనసుపై
ప్రభావం లేదు మనసుపై
నా మనసును మనస్వినికే
అంకితం చేశా
మనసు గుట్టు తెలియక
మనసే బెట్టు చేస్తే
మనసు మరణమే అంతిమం
నా మనసుకు
దశను దిశనూ నేర్పే దృశ్యం
ఎవరికీ లేదు
ఎందుకంటే
నా మనసు శోధన
ఆగిపోయింది
మనస్వినీ

No comments:

Post a Comment