Blogger Tips and TricksLatest Tips And TricksBlogger Tricks

Sunday, 22 May 2016

నీవే కదా సర్వం

నీవే కదా సర్వం

క్రీగంట విసిరే కొంటెబాణాలు
పెదాలలో కురిసే వలపు వానలు
మేనివిరుపులో మెరిసే సొగసు తళుకులు
పలుకుల్లో జనియించే వలపు పుష్పాలు
నడకలో జాలువారే హంసధ్వనిరాగాలు
కురులు అల్లుకునే అనురాగ స్వప్నాలు
సర్వం సమర్పయామి అంటూ
నీవు ఇచ్చే వలపు తాంబూలాలు
ఇదే కాదా మనసు కోరుకుంది
ఇక్కడే కాదా నా మనసు పరిమళించింది
నీలోనే కాదా నా మనసు పులకించింది
మత్తుగా ఊగే ధూపం పరిమళాలు లేకున్నా
ఒదిగిపోయే హంసతూలికా తల్పం ఆనవాళ్ళు లేకున్నా
చుట్టూరా బృందావన మాలికలు కానరాకున్నా
మత్తుపానీయముల గమ్మత్తు ప్రవహించకున్నా
నీతో పంచుకునే నేల నాకు హంస తూలికమే
నీ కన్నుల జారే మధువు నాకు మత్తుపానీయమే
నీ అధర ధరహాసాల పుష్పికలే
నాకు విరజాజి మాలికల సొగసులు
నాలో కలిసిపోతూ
నేనే అన్నట్టుగా లీనమవుతూ
వెచ్చగా తగిలే నీ ఊపిరే నాకు మత్తైన పరిమళం
అవును
నీవే కదా నా సర్వం
నీవే కదా నా జననం
నీవే కదా నా మరణం
మనస్వినీ

No comments:

Post a Comment