Blogger Tips and TricksLatest Tips And TricksBlogger Tricks

Pages

Sunday 22 May 2016

రాయడం రాదు నాకు

రాయడం రాదు నాకు
 
కవితలు నేను రాయలేను
అక్షరాలతో ఆడుకోలేను
భావాలుగా మలుచుకోలేను
ఏదో రాయాలనీ
అందరి మెప్పుపొందాలనీ
పదాలను అల్లుకోలేదు
రాయడమే రాదు నాకు
అక్షరమాలలు తెలియదు నాకు
ఎప్పుడు రాసానని కవితలు
ఎప్పుడు చెప్పానని భావాలు
నా రాతలు నావి కానే కావు
నా భావాలు నావి కానే కావు
నీ పెదాల జారిన పలుకులనే ఏరుకున్నా
నీ కన్నులవెన్నల భావాలనే పదిలం చేసుకున్నా
నీ నవ్వులో ముత్యాలను దోసిట పట్టుకున్నా
నీ పరువంలోని సరాగాలను తడిమిచూసుకున్నా
నీ గుండెలోతులను తొంగిచూసుకున్నా
నీ అనురాగంలో మమతలను వెతుక్కున్నా
నీ ఆవేశంలో అగ్నికణికలకు నివురులా రగిలినా
రాలిపడిన అగ్ని శిఖలకు గుండెను పరిచినా
నాదన్నది ఏమున్నది నా రాతల్లో
అన్నీ నీ కదలికల్లో
జారిపడిన అక్షరకుసుమాలే కదా
మనస్వినీ

No comments:

Post a Comment