Blogger Tips and TricksLatest Tips And TricksBlogger Tricks

Friday, 20 May 2016

జీవిస్తూ మరణించనీ

జీవిస్తూ మరణించనీ

చీకటమ్మ గదిలో
కన్నుల వెన్నెల దీపాలు వెలగనీ
తపన తీరని దేహాల రాపిడిలో
విద్యుల్లతలు జనియించనీ
చిరుగాలికే వణుకుతున్న దీపానికి
చెమటగంధమే ఇంధనంగా మారనీ
శీతలపవనం తాకిడిలో
వణుకుతున్న పెదాలకు
వెచ్చని ఊపిరినే సాంత్వనగా మారనీ
దాహార్తితో ఎండిన గొంతుకను
బింబాధర అమృతాన్ని తాగనీ
ఎగసిపడుతున్న పరువాలను
మగసిరి ఎదలో తలదాచుకోనీ
చినుకు చుక్కకు దాసోహమైన మనసును
కురుల మేఘాలనీడలో వర్షించనీ
జీవనమో అది మరణమో
తెలియదు గాని
ఓషో చెప్పినట్లు
నిత్యం జీవిస్తూ మరణించనీ
మనస్వినీ

No comments:

Post a Comment