Blogger Tips and TricksLatest Tips And TricksBlogger Tricks

Pages

Sunday 8 May 2016

అమృతధార అమ్మ

అమృతధార అమ్మ


ప్రతి కదలికలో నువ్వున్నావు
ప్రతి ఘడియలో నువ్వే ఉన్నావు
కంటి చూపుల వెలుగులో
ప్రాణం నిలిపే శ్వాసలో
నిత్యమై నిఖిలమై నువ్వే ఉన్నావు
చెల్లిగా అన్నకు పంచే అనురాగంలో
అమ్మగా నువ్వే ఉన్నావు
చెలియగా ప్రియవల్లభుడికి
చేరువయ్యే మమకారంలో తల్లిగానే కనిపించావు
బుడిబుడి నడకల చిన్నారికి
నడక నేర్పే వయసులో మమకారమై నిలిచావు
కన్నబిడ్డల భవితను తీర్చిదిద్దే ఓర్పులో దేవతలా మారావు
బిడ్డల బోసినవ్వులో
మెరుపుచుక్కవై మెరిసావు
రెక్కలు వచ్చిన పక్షులు ఎగిరిపోతే
విలవిలలాడే మనసులో త్యాగమయివై కుమిలావు
ఎక్కడ లేవని నువ్వు
ప్రతి అణువులోనూ నువ్వే ఉన్నావు
అమృతమంతా కలబోసిన ఆ దేవుడు
నిన్నే సృష్టించాడేమో
అందుకే తీపి చేదుల లోకంలో
తీయ్యదనాలే కురిపించావు
ఆడతనం కాదు ఆమ్మతనం గురించి చెప్పుకోవాలి
ఎందుకంటే ప్రతిమగువా అమ్మే
చెల్లిగా
చెలియగా
ఆలిగా
అమ్మగా
ప్రతి దశలోనూ ఆడది అమ్మే
నీకోసం ఒక దినోత్సవం ఎందుకు
అనుక్షణం నువ్వు
అందరి గుండెల్లో కురిసే అమృతధారవే కదా అమ్మా
అమ్మా నీకు వందనాలు

No comments:

Post a Comment