నా అక్షరాలు

నా అక్షరాలు

సిగ్గుతో వాలిన నీ కనురెప్పల చాటున

జారిపడే వెన్నెలలో

వికసించే కలువలే

నా అక్షరాలు...

విరిసే నీ అధరాల నవ్వుల వానలో తడిసే కైపులే

నా అక్షరాలు...

విరబోసిన నీ కురులలలో

గుబాళించే పరిమళాలే

నా అక్షరాలు...

నీ మృదువైన పాదాలను అల్లుకుని సవ్వడి చేసే

మంజీరాలే

నా అక్షరాలు...

నీ సాన్నిహిత్యంలో పొంగే

మధుకలశాలలో

అమృత ధారలే

నా అక్షరాలు...

నా మనసులో జనియించి

నీ చుట్టే తిరుగుతూ

నిన్ను నా కన్నా ఎక్కువగా

ఆరాధించే

నా అక్షరాలను చూసి

నాకే అసూయ కలుగుతోంది

మనస్వినీ...