ధనమే దైవము

ధనమే దైవము

 

ధనమా నువ్వే దైవమా

దైవమా ధనంతోనే నీ స్నేహమా

ధనమే దైవమయ్యే

దైవమే మాయమయ్యే

దైవం సృష్టించిన లోకం

ధనానికే దాసోహమయ్యే

కానుకలు ఇచ్చుకున్నా

కరగని బండరాయే దైవమయ్యే

ధనమున్నచోటే దైవం కొలువుతీరే

మహిమలన్నీ మాయమై

ధనంలోనే కలిసిపోయే

మనిషి మట్టి ముద్దయ్యే

ధనవంతుడే దేవుడయ్యే

దేవుడి లీలలు పురాణాల్లోనే మిగిలిపోయే

ధనమున్న వాడి కుట్రలు జీవితాలను శాసించే

బలహీనుడు కొలిచే దేవుడు

పనికిరాని పదార్థమయ్యే

దేవుడా మేలుకో

ధనలక్ష్మిని అడ్డుకో

దొంగల పంచన చేరిన లక్ష్మి

నీ ఉనికినే నాశనం చేస్తుంది.

ఇదే జరిగితే

సామాన్యుడు నిన్ను కాదు

ధనమునే పూజించక తప్పదు

నీ దైవత్వం

పురాణాలకే పరిమితం కాకపోదు