కరుగుతున్న అక్షరం
సిరా చుక్క కరిగిపోతోంది
అక్షరం వర్ణరహితమవుతోంది
భావం బయటికి రానని మొరాయిస్తోంది
కనులమైదానంలో మొలకలు వేసిన స్వప్నం
కన్నీరుగా కరిగిపోతోంది
చక్రంలా తిరిగిన కాలం
తిరగలేనని ఆగిపోయింది
స్థంభించిన కాలం
ముందుకు సాగనంటున్నది
ఎగసిన కెరటాలను
తీరం దూరం చేస్తున్నది
జరుగుతున్న ఘటనలను
మనసు మౌనంగా చూస్తూ ఉండిపోయింది
ఏమీ చేయలేక
భావాలను అణుచుకోలేక
ముందుకు సాగక
వెనకడుగు వేయక
గుభాళించలేక
ముడుచుకుపోలేక
నా కవిత్వం
పిచ్చి చూపులు చూస్తున్నది
మనస్వినీ
No comments:
Post a Comment