గతం కాటు
జారిపోతున్న
జీవితాన్ని ఒడిసి పట్టుకుని
పైకి ఎగబాకుతూనే ఉన్నా
ఎలాగైనా
కాపాడుకోవాలనీ...
కరిగిపోతున్న
స్వప్నాలను దోసిట పట్టి
పరుగులు తీస్తూనే
ఉన్నా
కరిగిపోనీయరాదనీ...
గతాన్ని తిరస్కరించి
వర్తమానం తలుపులు
తడుతున్నా
భవిష్యత్తును పదిలం చేసుకోవాలనీ...
జీవితం జారిపోతోంది
స్వప్నం కరిగిపోతోంది
గతం కాటు వేస్తోంది...
కలల వరదలో మునిగిన
జీవితాన్ని దరికి చేర్చి
మరలా పరుగులు
తీస్తున్నా
గతానికి చిక్కకుండా...
No comments:
Post a Comment