Blogger Tips and TricksLatest Tips And TricksBlogger Tricks

Sunday, 24 April 2016

అంతా నీ ఇష్టం

అంతా నీ ఇష్టం

Kya khabar jo yahan 
Gunegaro mein ho 
Wo teri khudrat ke
Shehkaro mein ho!

నలుదిశల సమరంలో
చక్రబంధం వలయంలో
బంధీ అయ్యింది మనసు...
నిశి చీకటి అడుగుజాడల్లో దారితప్పి
వధ్య శిలపై చేరింది మనసు...
నిష్క్రియాపర్వ అంతరంగంతో
పాలుపోని వేదనతో
నీ శరణు కోరింది మనసు...
పువ్వులు ఏరుకోబోయి
ముళ్ళకాటుకు గురై నిన్ను తూలనాడినా
నీ రాతలను ప్రశ్నించినా
నీ మార్గం వీడలేదు మనసు...
నీ ప్రవచిత గ్రంథాన్ని బట్టీ పట్టలేదు
నీ ఆయత్తులను మెదడులో నింపుకోలేదు
నమాజులో రివాజులు పాటించలేదు
నిత్యం తలపై తాజ్ ధరించలేదు
అయినా
నీ సందేశం మరవలేదు మనసు...
ఇమాన్ మార్గంలో
బేఇమాన్ కాలేదు మనసు...
ద్రోహం
మోసం
కుట్ర
చేతకానితనం
బిరుదులతో విచలితమయ్యింది మనసు...
నువ్వు చూపిన మార్గం ద్రోహమైతే
నీ సందేశం మోసమైతే
నేను ద్రోహినే
మోసగాడినే...
తలవంచి ప్రణమిల్లుతున్నా నీ బార్గాహ్ లో
ఇంకా ఏమన్నా జరగనీ
ఎలాంటి నిందలైనా రానీయ్
ఎవరికీ తలవంచను ...
నిన్ను నమ్ముకున్నా
వధ్యశిలను మాయం చేస్తావో
నన్నే అంతం చేస్తావో
అల్లాహ్...
ఇక అంతా నీ ఇష్టం...

No comments:

Post a Comment