శిలనై మిగిలిపోయా

శిలనై మిగిలిపోయా

Lagtaa nahin hai dil meraa ujday dayaar mein 

kis ki bani hai aalam-e-naa paayedaar mein

kah do in hasraton se kahin aur jaa basein 

itani jagah kahaan hai dil-e-daagdaar mein

జఫర్ కలం నుంచి జాలువారిన భావం

గుండె కొలనులో మొలకలు వేసిన గానం

ఒక వేదన

ఒక రోదన

గూడుకట్టిన నిస్తేజం

అదే భావం

అదే గానం

ఇప్పుడు నా మనసు తోటలో చివుర్లు తొడుగుతోంది

ఎందుకు ఇలా అనిపిస్తోంది

రోజూ కూసే కోయిలగానం

అవే పిచ్చుకలు

అదే సందడి

ఎందుకు ఇంపుగా లేవు

ఎందుకు మానసం కలవరపడుతోంది

ఎందుకు ఏదీ నచ్చటం లేదు

వెన్నెల చల్లదనంలో చితిమంటలు ఎందుకు

కనులజారిన స్వప్నాలు కాలిపోతున్నాయి ఎందుకు

ఇదేనా నేను కోరిన జీవితం

ఒక నిష్క్రియాపర్వం

ఆవరించిన నిస్తేజం

ఏదీ చేతకాని వైనం

ఎందుకు మనసు నిలకడగా లేదు

ఎందుకు ఈ అల్లకల్లోలం

వేగంగా సాగుతున్న కాలాన్ని అందుకోలేక

శిలనై నిలిచిన భావం

ఏమో తెలియదు గాని

మనసులో మనసు లేదు

మనస్వినీ