Blogger Tips and TricksLatest Tips And TricksBlogger Tricks

Pages

Saturday 16 April 2016

చిగురించేనా నాటి వసంతం

  చిగురించేనా నాటి వసంతం  

ఏవి  మనసా
నాడు మురిపించిన
మనసు మంజీరాలు
నాడు పరిమళించిన
మనసు కుసుమాలు
నాడు కురిసిన వెన్నెల రాత్రులు
నాడు మనసును తాకిన
చల్లని సమీరాలు
నాడు పాదాలను ముద్దాడిన విజయతీరాలు
నాడు రవళించిన విజయధ్వానాలు
ఏవి మనసా
నాడు తారాడిన కలల చంద్రికలు
చుక్కల వాన కోరితే
ఉల్కాపాతం కురిసిందా
అలలతో పోటీ పడితే
సునామీ మింగేసిందా
వెన్నెల వానలో కన్నీరే కురిసిందా
కలల చంద్రికలు పుడమిలో కలిసిపోయాయా
విజయతీరాలు ఎండమావులేనా
ఏవి మనసా
నా కన్నులు పరుచుకున్న కలల తివాచీలు
గడిచిన అనుభవాలు
మనసులో మొగ్గలు వేసిన అనుభూతులు
నాటి వసంతం మరలా చిగురించేనా  
మనస్వినీ

No comments:

Post a Comment