Blogger Tips and TricksLatest Tips And TricksBlogger Tricks

Wednesday, 1 June 2016

ఎలా నవ్వగలను

ఎలా నవ్వగలను


మెరిసే కన్నుల వెనుక
జాలువారే కన్నీళ్ళే కనిపిస్తున్నాయి
విరిసే పెదాల మాటున
కానరాని విషాదం తొంగిచూస్తోంది
పువ్వులా నవ్వుతున్నా
చేమంతిలా విరబూసినా
నీ మెరుపులు తళుకుల వెనుక
కాటుకను మరిపించే చీకటి రాజ్యమేలుతోంది
మురిపించే మనసులో
రగులుతున్న అగ్నిగుండం సెగలు పెడుతోంది
తడిచేరిన కన్నుల వెన్నెల దోచుకోనా
నవ్వులవానలో
కానరాని చీకటిలో కరిగిపోనా
విరిసిన చేమంతి నీడలో
వెలుగురేఖలను వెతుక్కోనా
మండుతున్న మనసులో
మమతలను శోధించనా
చీకటినీ నేనే
మండుతున్న మంటనూ నేనే
పువ్వు తావిలో నీడనూ నేనే
అన్నీ నేనని తెలుసు
నేనే సమస్య అని తెలుసు
నవ్వు వెనుక
విషాదమే నేనైతే
నేనే ఎలా నవ్వగలను
మనస్వినీ

No comments:

Post a Comment