మండే గుండెలు

మండే గుండెలు 

పుడమిలా పగిలిన గుండెలో

ఉబికివస్తోంది ఆవేశం

రగిలిన మనసులో

తన్నుకువస్తోంది ఆగ్రహం

కనుచూపుమేరలో కానరాని గమ్యం

సాగని అడుగులకు జాడలే లేని వైనం

కుంగిన మనసుకు చేయూతను ఇవ్వని దైన్యం

కంటివెలుగులకు చీకటిని అద్దిన దృశ్యం

భవితను కాలరాసుకున్న వ్యక్తిత్వం

ఆకలి కేకలను ఆపలేని ధర్మం

అన్నీ కలగలిపి గుండె ఒక అగ్ని గోళం

అవును

మండుతున్న హృదయం నిప్పు కణికలుగా

నిప్పురవ్వలుగా

మండే లావాగా

ఎటు పయనించునో

ఏమి దహియించునో

అర్థమే కాని అయోమయం

ఎవరినో చూసికాదు

ఇప్పుడు

నన్ను చూస్తే నాకే భయం వేస్తుంది

మనస్వినీ