చిరంజీవినే

చిరంజీవినే

రాలిపడుతున్న నా స్వప్నాల్లో

మీ కలలూ కనిపిస్తే

జారిపడే నా కన్నీటి చుక్కలు

మీ కంటా జాలువారితే

నా భావం మీ మనసును తాకితే

మనసు మూలలో ఏదో ఒక భావం

మీలోనూ కదలాడితే

నవ్వుతున్న నా అక్షరాన్ని చూసి

మీ పెదాలపైనా నవ్వు విరబూస్తే

మండిపడిన నా భావం

మీలోనూ ఆవేశం రగిలిస్తే

నాలో విరిసే పువ్వులు మీవే

నాలో కలిగే రోదనలూ మీవే

నా కన్నీటి చుక్కలు మీరే

నా ఆవేశమూ మీరే

నా మనసు సొదలు

మీ మనసు సొదలుగా అనిపిస్తే

మీరూ నేనూ ఒకటే

అవును

నా భావాలను చూసి

స్పందిస్తున్న ప్రతి మనసులో

ఎక్కడో ఒక చోట అదే భావముంటే

ఆ భావాల వెల్లువలో

నేను చిరంజీవినే కదా

మనస్వినీ