ప్రాచీన శిలాజం ప్రేమ...

ప్రాచీన శిలాజం ప్రేమ...

స్వార్ధమనే విష కౌగిలిలో కరిగి పోయింది

కక్షలు కార్పణ్యాలలో రగిలిపోయింది

కుట్రలు కుతంత్రాలలో వాడిపోయింది

అనుమానాల అవమానంలో వాడిపోయింది

అబద్దాల నగరిలో దారి తప్పిపోయింది

విషనాగుల పరీక్షలో ఓడిపోయింది

రెండు అక్షరాల ప్లాస్టిక్ పువ్వులా మిగిలిపోయింది

కలవలేని మనసులను కలిపేసాననుకున్నది

కల్మశమే ఒంటికి రుద్దుకుని మలినమైపోయింది

తాను లేకున్నా ఉన్నానని మురిపించింది

మనసు నేత్రంలో ఉనికే కోల్పోయింది

సిరుల బందీఖానాలో ఊపిరి విడిచింది

చివరకు ఒక ప్రాచీన శిలాజంగా

మిగిలిపోయింది ప్రేమ....