రివర్స్ పంచ్

రివర్స్ పంచ్

అదేంటో

ఇలా ఎందుకు జరుగుతోందో

నా పలుకులు తూటాలుగా ఎందుకు పేలుతున్నాయో

నా అర్థాలు అనర్థాలుగానే ఎందుకు మారుతున్నాయో

ఏది చేసినా రివర్స్ పంచ్ పడుతోంది

నేను ఇలా ఎందుకు ఉన్నాను

నేనిలా లేనే

ఎందుకు ఇలా జరుగుతోంది

నా మాటలు మనసు ఒకటి కాదా

ప్రతిదీ అయోమయమేనా

నా చేతల్లో నిజాయితీ లేదా

నేను పువ్వులు విసిరితే

రాళ్ళుగా తగులుతున్నాయి ఎందుకు

నేను చేతిలో గులాబీ పడితే

నా నీడ చేతిలో తుపాకీ ఎందుకు

తప్పు నాదేనా

నా గుండెలోతులను తడమలేని

సమజానిదేనా ఈ అపరాధం

ఏం చేయగలను

కళ్ళున్నా

మనసులేని సమాజాన్ని చూసి నవ్వుకోవడం తప్ప

ఇంకేం చెయ్యగలను

మనస్వినీ